樂湯雞麵館 (登龍街) (Closed)

做嘢夜咗，做到9:30，附近茶記都last order咗，本身以為佢都截咗單，點知姐姐都好熱情招呼我哋，話仲可以落單。叫咗芫荽刀削雞麵同餃子，刀削麵係綠色嘅，坐喺座位度可以望到，廚房窗口師傅拎住綠色嘅磚（麵團）一刀刀咁削落去，之前又食過其他地方嘅刀削麵，但係普遍都一般，反而呢次有驚喜，面嘅口感幾有咬口，睇落去唔係好多，但係其實都夠飽，加埋雞湯同雞件，雞湯尤其好飲，呢啲天氣飲落去都好舒服。雞件就有皮同骨，唔會話好柴好乾，配埋湯一齊食，感覺都唔錯。而餃子大大粒好足料，不過價錢上來講就貴咗少少，$68得10粒，但係手工整，都算係咁。最後叫咗個豆沙煎餅，$49 有6件，價錢上來講就略貴，不過係即炸同埋都好香口，好食嘅。最後有飲埋豆漿，自家製口感比較棉密，如果可以出埋少甜版就最好🤣整體來講都好好味。