潮薈 (Closed)

去完中央圖書館還書，有d肚餓就諗住睇下附近有乜食，發現左摩頓台旁有一間食潮州菜幾正咁。叫左一份自訂鹵水拼盤鵝片脂肪分佈平均，好入味豬耳好爽口，唔會un鵝腸唔臭好乾淨 鹵水好足！潮式凍花蟹好多蟹膏，凍食都好重蟹味其實只要新鮮就是無敵，完全食到佢既鮮味，份量好足 好大隻。潮式凍馬友魚肉好嫩滑，唔多骨，只有一條大骨，所以啖啖魚肉，再配上特製醬汁更帶出魚肉既鮮味。反沙芋條用冰糖包住整條芋條，脆波波，入面既芋頭芋香好濃郁，食到粉粉既感覺，再加上冰糖，好夾！所以大家想食潮州菜不妨黎呢度試下，價錢合理地方又乾淨。