潮粥麵

Open Now

Now Closed

粉嶺不嬲都有好多平民又好食嘅小店。今日去咗潮粥麵食粉麵，一行到入門口就聞到好香嘅牛腩味，係正宗嘅潮式粉麵打冷舖頭今日中午我叫咗個牛筋平雲吞撈麵，牛筋煮得非常之入味，而且好腍，食落去味道好濃郁，撈麵係幼麵，又咬口而且都幾彈牙，配上腍身嘅牛筋，而且索晒啲牛腩汁，整體感覺好有水準。講一講雲吞，我以為佢會一齊上，原來係另上，佢啲雲吞都算幾大隻，每一隻雲吞都有鮮蝦喺入邊，食完牛筋撈麵，再拼埋啲雲吞一齊食，仲有一大碟菜芯，大滿足。凍檸茶好大杯，少甜少冰，食潮式粉麵一定要叫一杯凍飲味配搭，今日中午食到正宗嘅潮州粉麵，覺得好開心！