潮丸 (Closed)

今日早少少收工，因為3號風球，仔仔冇課外活動，返屋企前食碗粉先，呢間潮丸成日都想來試，但係遇上食飯時間超多人，始終都冇入去試過，今日下晝四五點見佢入邊唔多人就試吓啦。一坐低見潢裝幾好，唔似舊式粉麵店，好乾淨，menu有粉麵、潮州滷水，都算多元化。潮丸主打牛丸，又係自家製牛丸做招牌，果然名不虛傳喎，咬落去爽口彈牙，重牛味，咬落去超多肉汁，因為係手打，所以入面好多窿窿，好多空氣，所以咬落去口感爽彈，同超級市場或者凍肉店嗰啲一啲都冇得比！湯底亦唔係味精湯底，用豬骨湯底，食完唔口渴。再叫杯話梅七喜，好正消炎解渴，喉嚨痛立即冇晒，60幾蚊食碗粉物有所值！