其實第一次幫襯係見佢有賣手打檸檬茶，因為荔枝角好少有，附近新開個間試過覺得檸檬好少，有種搵笨既感覺。相反潮香都算多檸檬，需要個杯唔係好大，最緊要好飲啊嘛！
食物方面，潮香主打新鮮牛肉，潮州粿條(類似河粉)，最近仲新推出國內非常流行既隆江豬腳飯。
最近試下以下幾款：
全牛福湯粿條 **材料新鮮，牛骨湯飲完唔會口乾，粿條都好味。
豬腳飯 **豬腳好淋，肥而不膩，鹵水好送飯，唔會死鹹；配埋潮州肉條一絕！其實香港好難搵到豬腳飯食。泰國個種又唔啱味。
乾炒牛肉粿條 **驚喜之作，比一般潮州酒樓既沙茶牛肉炒河好味好多！不過老闆話好嘥時間煮，繁忙時間唔提供。想食要提前預訂。
食物：👍🏻👍🏻👍🏻👍🏻👍🏻
價格：👍🏻👍🏻👍🏻
衛生：👍🏻👍🏻👍🏻👍🏻👍🏻
服務：👍🏻👍🏻👍🏻👍🏻👍🏻
1
