父親節又係時候入元朗搵食慶祝一下, 穿過橫街小巷去到 福田徑去試下呢間湖南菜, 啱啱係母親節先至開鋪, 個面細細乾淨企理。
小食 - 涼拌海蜇 $30
海蜇好爽口, 酸酸辣辣🌶️, 仲有啲青瓜🥒絲墊底 你會睇得出係真係自己浸同切, 有啲都好長好粗身😂
小食 - 口水雞 $39
口水雞🐔有四分一隻, 啲雞肉好嫩滑, 口水雞有少少辣🌶️, 味道唔錯, 值得一試👍🏻
小食 - 麻辣豬肚 $42
麻辣豬肚都係好爽口, 啲豬肚好入味, 少少辣🌶️好淋!
泡椒🌶️牛肉 - $88
泡椒牛肉用咗浸嘅辣椒仔🌶️啲, 辣椒唔係好辣, 反而有少少酸辣味, 牛肉好嫩滑, 加埋芹菜, 泡椒, 辣椒仔, 蒜蓉炒, 好香辣, 好正!
酸菜魚 - $168
酸菜魚用鱸魚🐟煎過先至淆湯, 見到啲湯係奶白色 , 真係好用心煮嘅一個酸菜湯底, 裏面仲有粗薯粉, 芽菜, 酸菜, 泡椒一齊煮, 魚肉好嫩滑, 仲有啲近魚骨嘅位置煎過, 好香口! 我哋唔想食得太辣, 店員好細心, 幫我哋叫咗bb辣🌶️😋 個湯清甜得嚟有少少酸酸辣辣嘅風味! 呢個價錢係二人份量嘅酸菜魚, 已經好大鍋又足料, 夠哂份量!
口味好正宗, 麻辣又出色, 完全冇味精, ! 值得一試, 價錢又大眾化!
