大角咀開左間湖南菜，帶媽媽黎試
我鍾意佢既環境，企理乾淨，好多卡位坐，亦有窗邊位望風景
前菜叫左個涼拌花甲
份量係 勁 多，你當五餅二魚咁
每隻殼都有肉，想搵隻空殼都無
油麥菜，又係好大碟，夠四個人食呀
炒得幾好，蒜香味出，可以改善既點係少返dd油就good
手打鴨屎香檸檬茶
廿令蚊，又係大杯到夠三個人飲
呢杯野好正，唔會甜到傻，食完辣野飲返幾啖，勁解辣
呀媽心心念念既啫啫牛蛙煲
佢話好少地方有得食，估唔到呢到有
而且以佢既經驗，佢話呢個牛蛙煮得好好
雖然配料多，有d青椒呀 洋蔥，但牛蛙份量仍然係好多
個人人生第一次食，食落少少似田雞，但肉質更軟
蒜蓉粉絲蝦
呢碟野正，一上枱，想話移下位影下相，隻碟仲係極熱
佢d蒜蓉，塞爆，粉絲，塞爆
完全誤會哂真係，我地以為係二人份量，原來係四人份量
呢個價錢呢個味道真係唔知點輸
田雞煲仔飯
相對其它呢個飯較為遜色，我嫌d配料切得有d碎，
但呢個只係個人口味，可能有人鍾意一口飯入面有好多好多料
佢平時d午市客飯好似已經好抵食，下次試試佢！
