去到，個環境真係好岩佢個名，真係好似個拳館咁，牆上面有金腰帶，又有電視播拳賽，仲有沙包添，好有特色。
食泰國野梗係唔可以唔叫冬蔭公啦，因為冬蔭公好味既泰菜館先係一間成功既泰菜館。拳王既冬蔭公有分大同小，我地兩個人就叫左個小既，夠晒。先講味道，好好味，同我去泰國食既一樣味，正宗，好香，夠酸夠辣！入面仲有兩隻大蝦！！！！食完個湯已經好滿足。
差d唔記得，我地叫左野食，就送左個蝦片俾我地，好好味呀！！！
好，繼續講其他菜。另外叫左個青咖喱雞加蒜蓉包！蒜蓉包真係好香，外脆內軟，點咖喱食簡直一流！！！
跟住仲叫左半打串燒，豬牛羊都有，燒到岩岩好！配埋沙嗲醬，好好味！
