船皇 (謝斐道) (Closed)

每次去泰國都好鐘意食當地嘅船麵，雖然細細碗，但係好鐘意佢既濃味湯底。知道呢間船皇主打泰式船麵，當然要來試吓啦！餐牌上面除咗船麵之外仲有撈麵，亦都有唔同嘅小食，跟餐仲可以加飲品，面嘅辣度亦都可以調整咁嚟到呢度就一定要試吓正宗泰式船麵，所以我哋揀咗一個船皇湯麵同一個雞翼雞絲湯麵。每一份餐嘅配料都係好足料，而且佢個湯底我覺得同我喺泰國食嘅冇咩分別，好濃味，另外加上辣椒醬更加令到個麵好惹味。另外我仲叫咗一份泰式牛肉丸子同一份沙嗲雞肉，串燒既質素都唔錯。我哋仲一人叫咗一杯跟餐飲品，分別係泰仔凍奶茶同柚子檸檬梳打，強烈推薦大家飲泰仔凍奶茶，可以品嚐到泰式正宗嘅奶茶！