餐廳既門口好易認，兩個泰式既人像擺設系門口。
裡面既環境都幾有泰式氣氛，牆身有吾少泰國風情既擺設，令人更加有置身於泰國既feel。
泰國的餐牌不離都系戈d食物，不過有食物都系特別既，例如小食有芝心蝦丸，又有炸皮蛋球。
海鮮的款式都有吾少，比較特別既有香辣炸鱸魚、魚露炸比目魚等等，跟平時既泰國餐廳系有少少不一樣既感覺。
1
炸蝦餅系我每次到泰國餐廳都必點既一道菜，一向都覺得炸蝦餅吾會難食得去邊，不過好食既就真系會令人印象深刻。呢份炸蝦餅本身應該有4件，一件開2份就變左8件，所以睇落份量都幾多
蝦餅都算大件，中意食蝦餅系因為佢入面有好多蝦肉，又做到結實既口感，感覺非常新鮮。
1
跟住叫左一份香芒蟹肉炒飯，雖然都系經典既泰國菜式，不過都吾系間間泰國餐廳都有，系度竟然有真系太好喇
一黎到已經o左咀，通常有親呢度菜既泰國餐廳，都淨系會比好少蟹肉，畢竟新鮮既蟹都吾平🤔呢度竟然會比咁多蟹肉，超級慷慨！d蟹肉本身已經夠新鮮，連埋芒果食，既能感受到戈份新鮮，又有清甜既味道
然後就緊系食泰國菜中好吸引既串燒🍢串燒不離都系豬牛雞，系度就叫左半打，即豬牛雞各2串。串燒既口感本身偏向硬身，所以趁熱食會好d，一開始冇為意呢樣野，所以擺到有d凍
不過味道都保持到，最中意系雞肉，有嚼勁得黎同時帶有軟稔既口感，牛肉真系偏硬。
鱸魚都系泰國人好中意食既其中一道菜，今次黎到泰國餐廳吾食明爐烏頭喇，試d新意食香芒鱸魚。芒果既數量都幾多，味道清甜，最近開始踏入夏天，所以d芒果既質素應該都吾會話好差。鱸魚原來系炸的，份量吾算好多，同香芒混合一齊甜甜地幾好食，魚肉嫩滑。
飲品方面，我地叫左椰皇沙冰，呢家都開始多泰國餐廳有呢款飲品。椰皇就飲得多喇，椰皇沙冰你地又飲過未？呢杯我真系極度推介！顏色白雪雪已經好治癒，飲落真系好似飲緊椰皇咁，超正
而且份量好多，真系吾洗系超級市場買椰皇都飲到差吾多質素既飲品。
最後叫左份甜品，系其他泰國餐廳應該只會有芒果糯米飯，但吾會有黑白糯米飯，佢既黑白糯米飯原來系黑糯米加班蘭糯米，又幾特別喎
芒果既數量都幾多，甜甜地幾好味。黑糯米比班蘭糯米既味道明顯，不過兩款都好煙韌，值得推薦
