河內越式料理

Open Now

Now Closed

同事返晏又想食越南野，就黎左公司附近既河內越式料理，五點鐘仲做緊下午茶餐牌，真好，我地叫左香茅雞翼撈檬同越式咖喱牛腩飯，再追加越式炸蝦餅同越式豬頸肉，每杯加$12仲有埋青檸梳打同椰汁珍多冰，抵！越南香茶-茶香獨特，唔係度度都有，好香。香茅雞翼撈檬-下午茶都咁大碗，真係好抵食，香茅雞翼整得好香，同事食完好鍾意，佢話個汁好正，唔似其他嗰啲偏酸。越式咖喱牛腩飯-足料又好味，我已經分左d牛腩俾我同事，但食極都仲有，牛腩淋滑，薯仔好入味。越式炸蝦餅-新鮮炸出黎，爽口彈牙！越式豬頸肉-肥瘦均勻，淡淡香茅香。青檸梳打-清新消暑！椰汁珍多冰-好耐冇飲過，椰香味濃！