地址：銅鑼灣謝斐道477-481號肇明大廈1樓及地下A號舖
香港人越來越多嘅文化同歷史被遺忘，而水上人菜式——蜑家菜亦喺其中之一⚓️，因為水上人家逐漸式微，大部份年輕新一代都轉移到城市化嘅生活模式🏙，所以佢哋以往喺船上食開嘅傳統菜式亦喺香港買少見少🥺
大澳德發喺市區罕見嘅餐廳主打水上人菜式，佢哋更加喺少有嘅中菜黃店💛，香港人又點可以唔識佢哋呢？北角店開咗7年，最近老闆喺銅鑼灣店開咗一間新嘅分店，只喺經營咗接近一個月
餐廳佔地兩層，一入到去就見到好多充滿漁村風味嘅特色🌊，藤帽、漁屋設計等映入眼簾，相當有味道，店員帶咗我哋上一樓嘅位置坐低，基本上全部座位都係卡位，位置相當寬敞闊落👍
✝️大澳鹹鮮蒸馬友 $128
馬友，被水上人叫做「一夜情」，因為一般煮食方法都喺捉上嚟處理好就會用粗鹽醃製，曬乾吹乾一晚就會蒸嚟食，而佢哋亦叫呢種做法做「鹹鮮」，所有步驟都喺餐廳一手包辦，做法傳統而且有品質保證😎，鹽醃嘅方法能夠提升馬友嘅鮮味同質感，加啲薑絲去癖走腥味，
連埋本身馬友嘅豐富魚油，就咁清蒸已經好好味，無鹹魚咁鹹，亦無普通清蒸魚咁淡口，魚骨唔多，果然喺民間嘅傳統智慧😍
✝️惹味卜卜蜆煲 $168
用咗香蒜🧄、辣椒🌶️、蔥等香料煲滾一隻隻鮮甜嘅蜆，一打開個煲就已經被佢嘅香氣吸引住🤩，雖然蜆唔喺好大隻，
但每隻都好飽實，爆開就食得，香料嘅味道滲透入每隻蜆肉，食落香辣惹味，最重要喺食完蜆，店員會比多碗飯，將剩低嘅湯汁精華用嚟整湯飯，
蜆嘅鮮香味道再次呈現喺湯飯之中，嚟到一定要試呢個卜卜蜆煲，唔試包你走寶🤤
✝️濃湯海鮮雜菜煲 $118
以鮮魷🦑、鮮蝦🍤為海鮮主打，配以蝦乾、西蘭花🥦、白菜仔🥬、木耳、粉絲等配料，
加入濃湯喺煲仔入面蒸煮🍲，特別一讚鮮魷嘅爽滑同彈牙，唔錯唔錯
滿$400仲送原價$88嘅鹽焗奄仔蟹一隻🦀，
睇吓啲蟹膏幾多😋。呢間餐廳除咗有懷舊水上人菜之外，仲有一般茶餐廳食到嘅特餐、碟頭飯、小菜等，仲唔收加一🤑，願我哋一齊守護更多香港碩果僅存嘅本地文化、本土菜式🇭🇰，支持、同行都好緊要，加油加油💪
