星怡 (Closed)

尖沙咀I square呢間星怡真係好好食👍🏼好正宗！同事介紹我食過一次就成日黎😂lunch set幾抵食下，幾十蚊起有交易，仲要幾大份🤭。🥢馬來參巴烤魔鬼魚 $128燒魔鬼魚，香港唔係好多地方有得食！呢度既魔鬼魚配正宗參巴醬同桔仔，辣辣地又惹味，好過癮。。🥢特大雞髀辣死你媽 配椰漿飯 $78雞髀真係好大😍除左雞髀，仲有蝶豆花椰漿飯，花生，江魚仔，參巴醬同太陽蛋👍🏼蝶豆花椰漿飯抵讚，整得好正宗得黎好香椰子味！。🥢新加坡農湯福建炒麵 $118呢個係新加坡真係常叫！仲有好多配料：蝦球，魚餅絲，鮮魷，豬肉片，蛋，油麵，米線，蝦湯，芽菜。用油麵+米線一齊撈埋炒真係好有口感，咬落又軟又有咬口咁👍🏼炒得好爆好多料。。野飲超推介「凍怡保白咖啡 $28」雖然係甜啲，但咖啡味好香濃又滑。