Video
Read full review
2020-11-15
71 views
平時返工壓力大，最好就係平日去同朋友食串燒飲返兩杯。Moku moku沙律本來冇咩期望，純粹懶健康，估唔到份量足又新鮮，Parma ham同沙律菜好夾，拍得住西餐聽嘅水準。刺身4點盛有三文魚、油甘魚、赤蝦同帶子，樣樣都厚切，從未食過咁厚嘅油甘魚，帶子甜度好令人驚喜。嚟到豬串燒專門店，當然叫咗唔少款試吓。 厚切白金豚肉同豬肩肉都係新鮮豬味，媲美日本水平，簡單用鹽同黑椒調味已經好夠，鍾意肥美啲可以揀白金豚肉。豬喉軟骨串好特別，從未喺其他舖頭見過，軟骨爽脆得來好有咬口，如果鍾意牛柏葉、牛肚呢啲口感嘢嘅人一定要試，燒得啱啱好唔會乾。韓燒就食得燒豬皮多，日式燒豬皮原來都會送上黃豆粉，煙煙韌韌好香口，不過如果醬汁可以少啲食到原味就好喇。平時麻麻地青椒，但係呢個日本青椒芝士豬肉卷用咗BB青椒，完全唔同味，就係新鮮蔬菜配豬肉，好清爽完全接受到。白金豚肉流心蛋卷其實唔係好感覺到啲豬肉，淨係燒流心蛋已經好一流，醬汁同火候控制得啱啱好。
Moku moku沙律本來冇咩期望，純粹懶健康，估唔到份量足又新鮮，Parma ham同沙律菜好夾，拍得住西餐聽嘅水準。
刺身4點盛有三文魚、油甘魚、赤蝦同帶子，樣樣都厚切，從未食過咁厚嘅油甘魚，帶子甜度好令人驚喜。
嚟到豬串燒專門店，當然叫咗唔少款試吓。 厚切白金豚肉同豬肩肉都係新鮮豬味，媲美日本水平，簡單用鹽同黑椒調味已經好夠，鍾意肥美啲可以揀白金豚肉。
豬喉軟骨串好特別，從未喺其他舖頭見過，軟骨爽脆得來好有咬口，如果鍾意牛柏葉、牛肚呢啲口感嘢嘅人一定要試，燒得啱啱好唔會乾。
韓燒就食得燒豬皮多，日式燒豬皮原來都會送上黃豆粉，煙煙韌韌好香口，不過如果醬汁可以少啲食到原味就好喇。
平時麻麻地青椒，但係呢個日本青椒芝士豬肉卷用咗BB青椒，完全唔同味，就係新鮮蔬菜配豬肉，好清爽完全接受到。
白金豚肉流心蛋卷其實唔係好感覺到啲豬肉，淨係燒流心蛋已經好一流，醬汁同火候控制得啱啱好。
Post
