因為疫情關係，去多咗好多唔同地方，而屯門就係其中之一。德國餐廳 Das Bier 位於屯門寶怡花園商場，其實同「菠蘿山」唔係好遠，如果行完山嘅朋友可以搭一個站輕鐵去到建生站，食物會有更多選擇！
💚 德國鹹豬手配酸菜及薯仔沙律
要一讚嘅係鹹豬手皮非常脆，鹹豬手亦都醃得夠入味，點埋芥末醬食的確幾唔錯。加上肉質肥瘦適中，啱晒怕肥一族！正宗嘅德國豬手有嘅酸菜佢都做得幾正宗，唯一建議薯仔沙律份量可以多少少，中和返豬手嘅酒膩感！
💚 德式肉丸燴松露意大利飯
意大利飯濕潤程度適中，而且松露味都非常搶。德式肉丸就幾大粒同埋都有肉味，不過如果多幾粒賣相會更好睇同埋更滿足！
💚 Das Bier Lager 德國啤酒
嚟得德國餐廳又點能夠唔嗌啤酒，餐牌上除咗有嚟自唔同國家嘅啤酒之餘，當然唔少得德國啤酒。如果怕傳統德國啤酒或者黑啤比較重麥味，可以試下佢哋主打嘅Das Bier Lager，比起上嚟會易入口。
整體食物質素的確唔錯，服務都好周到。除咗屯門都好似有其他地方分店，可能會比較就腳！
味道: 🌕🌕🌕🌕🌑
服務: 🌕🌕🌕🌕🌑
環境: 🌕🌕🌕🌕🌘
價錢: 🌕🌕🌕🌗🌑
－－－－－－－－－－－－
📍Das Bier 德國餐廳（寶怡花園）
屯門良德街11號寶怡花園地下G32號舖
－－－－－－－－－－－－
