帝樂德國餐廳 (Fashion Walk) (Closed)

星期日同朋友去左銅鑼灣行街，見到有間德國餐廳好吸引。好耐之前係尖沙咀食，記憶猶新，因為真係好好食，但可惜無左。今日咁難得見到，一定要重拾美味的回憶。🌟凱撒沙律好大份，沙律菜好爽脆。好似臉咁大塊的雞肉，雖然薄身，但好嫩滑。配上吞拿魚汁及香草欖油醬，十分開開胃。🌟辣豬牛肉腸配酸椰菜必試！腸肉質Q彈爽口，食得出純肉製造，鮮味十足，好味。一啖接一啖，停唔到口！酸椰菜唔會太酸，爽口解膩。🌟德式芝士麵糰辣肉腸煎得乾身，咸香惹味，大大塊。而豬牛肉丸，一樣好足料，食得出新鮮製作，真係好高質。麵糰唔係普通的快熟食品加工，真係手工鮮製，煙韌可口，麥香味重。🌟原桶德國麥啤好抵飲，大大杯！清甜可口，男女都岩飲，麥香芳香。好耐無食過咁高質的德國餐廳，同店員了解一下先知，原來係德國高廚主理，味道正宗，而我哋食的都是傳統的德國菜。下次一定要再試下佢哋的德國白蘆筍和鮮龍蝦。