澳門咖喱王新鮮腩

Open Now

Now Closed

我一向對香港嘅「澳門字頭」嘅餐廳又愛又恨, 原因係澳門菜色風味獨特又好味, 但可惜「經營者」有啲係「賭博集團」有關係, 所以心態上我自己唔係咁鍾意幫襯。依間餐廳, 我一直都唔想幫襯, 直至有好朋友同我講: 你一定要試下, 你會對佢另眼相看。由於我唔食牛肉, 只能試試「咖哩薯仔豬扒飯」- 咖哩嘅香氣獨特, 有椰子絲, 複雜嘅香料味道, 比較似嗰兩間所謂 正宗巴基斯坦咖哩, 「龍」字派嗰兩間佐敦咖哩店, 用料及味道, 有過之餘無不及。豬扒唔錯, 肉嫩味鮮; 薯仔出色, 全屬上等新鮮食材。 整體令人回味無窮, 一試難忘。我可以估計到, 喜歡食牛嘅人應該會更高興。另外點選了常餐, 同樣好味, 但整後悔冇食招牌咖哩出品菜色.... 勁7, 所以無言了。