Chatterbox Café (AIRSIDE)

Open Now

Now Closed

之前行圍方嘅時候已經留意到呢一間餐廳，價錢唔算太貴，而且食過味道都幾正宗，今日同以前嘅舊同事行開啟德新商場，他直接入咗呢一間熟悉嘅舖頭。坐低當然必嗌佢嘅海南雞飯，份量比起一般嘅算多，雞肉好嫩口，亦都可以因應個人喜好點豉油或者其他醬汁！另外一份主食揀咗馬來海鮮炒貴刁，貴刁彈牙，睇落去顏色好深，但係整體嘅調味做得唔錯，唯獨海鮮嘅份量唔算太多。小食方面就揀咗佢嘅鐵板蠔餅同炒蘿蔔糕。兩款小食都做得幾出色㗎，而且能夠做到色香味俱全，兩款都唔會太過油，太過煎炸，朋友都大讚好食🤤蠔餅外皮雞蛋好厚，口感一流。可以選擇佢嘅二人套餐或者四人套餐，食落去就相對划算！另外我都幾鍾意佢嘅空間環境，比較寬敞光亮。