Video
Read full review
2019-07-16
231 views
今日好開心嚟到長沙灣福榮街同班好朋友聚首一堂, 兩三個星期前已經約好呢班好朋友一齊嚟試下呢間潮州菜館"潮匯館"。朋友介紹呢間潮州菜館話可以食到正宗嘅潮州菜, 我當然要急不及待先食為快啦！嚟到一看原來係我早幾年前同一班朋友嚟過呢個地方。我哋一行六人喺呢個鐘數個個都肚空空好想填飽個肚, 見到餐牌就即刻研究食啲乜好。六個人六個口你一言我一句, 大家都有唔同嘅口味唔同嘅選擇, 集合大家既意見, 嗌咗十幾樣餸連埋甜品及飲品！韭菜豬紅大家就食得多, 韭菜鵝紅大家又食過未呢？感覺上鵝紅好食過豬紅, 夠曬煙韌。而e碟潮州糖醋麵真係未試過, 其實係炸麵餅點啲醋食都幾野味, 再嚟一碟金菇瑤柱扒時菜, 大大碟嘅瑤柱加金菇配埋菜心真係好好味, 普寧炸豆腐真係未食過, 賣相仲以為係炸魚片加埋啲蔥汁點起上嚟真係幾野味。原來呢度最出名就係滷水三寶, 包括: 鵝腸鵝片及鵝肝, 全鵝宴大大碟。再來一碟滷水雙拼, 墨魚片加大腸, 我最鍾意嘅就係墨魚片, 的確好新鮮真係抵讚, 蝦蟹砂鍋粥喺國內就食得多, 香港反而就少食, 的確係唔錯粥底嘅棉蝦同蟹仲好鮮甜美味大大隻。炸物方面我哋嗌咗椒鹽鮮魷同埋椒鹽炸白鱔片, 點起啲椒鹽真係
朋友介紹呢間潮州菜館話可以食到正宗嘅潮州菜, 我當然要急不及待先食為快啦！嚟到一看原來係我早幾年前同一班朋友嚟過呢個地方。
我哋一行六人喺呢個鐘數個個都肚空空好想填飽個肚, 見到餐牌就即刻研究食啲乜好。六個人六個口你一言我一句, 大家都有唔同嘅口味唔同嘅選擇, 集合大家既意見, 嗌咗十幾樣餸連埋甜品及飲品！
韭菜豬紅大家就食得多, 韭菜鵝紅大家又食過未呢？感覺上鵝紅好食過豬紅, 夠曬煙韌。而e碟潮州糖醋麵真係未試過, 其實係炸麵餅點啲醋食都幾野味, 再嚟一碟金菇瑤柱扒時菜, 大大碟嘅瑤柱加金菇配埋菜心真係好好味, 普寧炸豆腐真係未食過, 賣相仲以為係炸魚片加埋啲蔥汁點起上嚟真係幾野味。原來呢度最出名就係滷水三寶, 包括: 鵝腸鵝片及鵝肝, 全鵝宴大大碟。再來一碟滷水雙拼, 墨魚片加大腸, 我最鍾意嘅就係墨魚片, 的確好新鮮真係抵讚, 蝦蟹砂鍋粥喺國內就食得多, 香港反而就少食, 的確係唔錯粥底嘅棉蝦同蟹仲好鮮甜美味大大隻。
炸物方面我哋嗌咗椒鹽鮮魷同埋椒鹽炸白鱔片, 點起啲椒鹽真係好鮮味好脆口, 都唔明點解整得咁好味, 唔怪得之座無虛席啦！再嚟多個椒絲腐乳炒通菜送下粥真係一個唔錯嘅選擇。
當然有得食仲有得飲, 我哋仲嗌左大大杯嘅鹹檸七凍檸水及汽水。食到咁上下當然要食埋甜品先至捨得走, 我哋嗌咗個家鄉反沙芋同埋家鄉炸油果。簡直好滋味回味無窮, 個個捧住個肚走滿載而歸😊👍
Post
