Chilli Lime (MONTEREY Place)

Open Now

Now Closed

黃氏力牆今日家人去到將軍澳試下呢間東南亞fusion菜館。入到去餐廳，我就已經畀呢幅畫吸引住，要求坐係佢隔離，有時候餐廳嘅裝修環境都好重要。 雖然呢間餐廳主要色嘅東南亞菜，但裝修就選用西式設計，睇到佢地真係想行多國特色。話明呢個係多國菜餐廳， 餐前菜我哋選擇先食呢個泰式青木瓜沙律，味道清新開胃， 唔講唔知呢間餐廳包括咗泰國師傅，印度師傅註場，所以食物質素正宗之餘，亦非常道地， 真係一句講曬食正宗泰國菜，下次真係唔使去九龍城呢度，都可以滿足到你。之後我哋嗌咗個泰國雞牛肉串燒，試下佢做唔做到當地嘅串燒風味，牛肉非常之惹味，雞肉亦軟滑，再配合佢哋特製嘅花生醬沙嗲汁，做法正宗，賣相吸引，真係無得挑剔。飲品方面，小弟推介呢個mocktail - - - fruit float ，菠蘿+芒果汁＋soda water泡制特飲， 唔飲酒嘅你，呢杯嘢絕係值得推介，非常好飲。總結，環境＋食物質素，絕對值得來食返餐。