麥金.麥金馬來西亞特式茶啡室 (Closed)

想食馬來西亞嘢，唔一定要去到馬來西亞嘅，因為我最近已經發現咗一間，喺大角咀橫街小巷裏面嘅隱世正宗馬來西亞菜，馬來西亞菜又叫娘惹菜，今次介紹畀大家嘅全部都係娘惹菜 中最出名嘅幾款有啦沙啦，沙嗲啦同埋拉茶，仲有我特意嘗試嘅炸饅頭同埋咖哩魷魚，而且舖頭因為喺比較細嘅橫街小巷裏面，所以價錢上亦都非常之貼地 去到馬拉有邊個會唔飲番杯拉茶，同香港嘅奶茶差唔多但係佢嘅茶味冇咁香濃而且帶多一點嘅甜味，一杯好飲嘅拉茶就要好似呢間咁，唔需要用絲襪淨係用拉嘅手法，都能夠拉到最香最滑，呢啲手工係香港好難搵得到㗎 另外我叫咗一個海鮮喇沙，海鮮喇沙嘅味道非常之香最重要嘅係個湯底，喇沙嘅味道能夠帶到啲麵都帶有海鮮嘅味道，喺香港食咁耐只有呢一間做得到，而且佢上面嘅海鮮亦都非常新鮮 炸饅頭係新鮮炸嘅外脆內軟熱辣辣地上碟配上煉奶，應該係七八十年代出世嘅小朋友嘅童年回憶 咖哩鮮魷同香港好濃咖哩味係唔可以相比嘅，馬來西亞嘅咖哩一般嚟講都係會偏重奶味少少，接唔接受到就見仁見智啦不過魷魚係非常新鮮嘅 最後係串燒雞同埋豬串燒唔係主角，主角係上面嘅沙嗲，沙爹汁非常之龍，喺圖中所見絕對唔係好似一啲好稀嘅醬汁咁而佢係成舊沙嗲，張沙爹茶滿