臺北棧 (世貿中心)

Open Now

Now Closed

呢度既裝修都係舒服感覺為主，好柔和，過黎chill下食下野就舒服啦！蒜泥台灣水蓮水蓮很新鮮，快炒得又香又脆，再過冷河，更加爽口，仲有微微既蓮香，又唔會有土味，加上蒜泥既香味，好清新既感覺！明太子麻糬蛋餅蛋餅皮好煙韌，唔會好硬，餡料係麻糬就更加軟糯，加上咸鮮既明太子醬同埋咸香既櫻花蝦，一個好香口既咸蛋餅！髒髒鹹蛋黃芋泥蛋餅中意芋頭既朋友一定要試，蛋餅入面係滿滿既芋泥，好綿滑，上面灑滿芋粉，成隻碟都係啦，芋香十足，加上惹味既鹹蛋碎，甜甜咸咸，味道好好！芭樂苦瓜汁成杯冰凍清涼，飲一淡即時涼透心，甜甜苦苦，味道岩岩好，兩層顏色，有啲層次咁，清熱首選！木瓜牛乳需要養顏既朋友一定要飲，用佐大量木瓜肉打碎，仲飲到木瓜蓉，加埋低脂牛奶，唔駛怕肥，又唔會太甜，夠晒健康！