段純貞X日出茶太 (MOKO新世紀廣場)

Open Now

Now Closed

同屋企人去旺角東「段純貞X日出茶太」食晚飯，段純貞除咗佢最有名嘅牛肉麵好味，其實仲有好多非牛肉麵嘅麵食都好味。*此餐廳收取全單10%服務費。胡椒湯酸菜豬腳麵手工麵（單點$88），豬腳皮口感Q彈，豬腳肉帶有筋位，食落啖啖肉，配以酸菜食用，可以中和油膩感，胡椒湯味道帶點辛辣，手工麵麵條口感筋道。濃湯燉雞麵細麵（單點$88），雞脾好大隻，肉質嫩滑，雞味濃厚，濃湯湯底色澤清徹，帶有少量雞油，雖然為濃湯，但飲落味道較為清淡，細麵口感幼細。麻辣鴨血冬粉（單點$88），鴨血食落好Juicy，味道不腥，冬粉口感爽滑，容易掛湯，麻辣湯底辣度6.5分，內有唐生菜。滷味鴨舌（單點$68），鴨舌肉質皮彈肉滑，連鴨骨部位都醃得好入味。蒜醬青菜（單點$48），唐生菜口感爽脆，配以蒜醬食用，食落好香口。大杯700mL凍飲哈密瓜布丁抹茶拿鐵（單點$47），哈密瓜布丁味道香甜，抹茶味道濃香。大杯700mL凍飲仙草凍鮮奶（單點$39），預設為去冰、無糖，仙草味道甘甜，鮮奶奶味醇厚。