尤其我咁鍾意食麻辣鍋🌶今次就試吓近來幾出名嘅台式火鍋🍲，夫妻肺片。地方超方便佢喺旺角雅蘭中心下面，但佢嘅入口就唔係商場落去，係渣打對面有條樓梯落去。一去到已經好多人坐喺度排隊，好彩我哋等左唔係好耐就有位。💁🏻♀️
一落到去見佢裝修風格都好鍾意，係新派裝修偏暗走中高格調唧火鍋店，唔會好逼，坐得舒服，不過冷氣好大，記得拎件外套！🥶
佢哋張點菜紙都整到成張報紙📰，而且第一版有小小簡介可以睇下，入邊就係配飲品嘅菜單，其實佢另外仲有一部點菜嘅iPad，有晒圖片好方便，而且一睇就知道成張單幾錢。
係點配菜之前，店員都提醒我哋先落咗個湯底，因為都要時間等⏱。店員就推介左我哋試呢一個麻辣火鍋🔥配養顏花膠雞鍋🐥，佢嘅麻辣我哋叫咗小辣所以唔算太辣
，而且佢嘅鴨血係超級嫩滑，似啫喱口感超級好食！
另外雞鍋湯底好濃郁，而且雞肉亦都好鮮味，仲有幾片花膠。
店員亦都俾咗一碟台式蔥花，佢教我地湯底加落蔥花亦都係一個醬汁算係一個台式食法。
飲完湯食完雞，我哋仲叫咗老油條，蓮藕，土豆片🥔同手切牛小排🐂！真係未試過火鍋配油條，不過店員推介我就試一試啦，原來佢浸落個湯度又幾好食！
另外牛小排必點
，雖然我哋叫咗半份，但係份量好足，而且油花均勻，好有牛味！無論雞湯或者麻辣湯底都能夠帶出牛嘅香味！贊！
另外我哋仲叫咗兩杯台式飲品結尾，🤗培火鐵觀音珍珠奶茶同御翠烏龍珍珠奶茶！仲有得俾你揀少甜，講真佢啲台式飲品又做得出奇地好飲，有茶味，珍珠亦有咬口 。👍🏻
我哋兩個人大約就食咗$900左右，價錢比一般火鍋貴，但用料同環境就相對較好！🥳🥳
