燈籠滷味 (登龍街) (Closed)

本身都已經好鍾意食車仔麵，就嚟到呢間台式車仔麵度食晚飯，呢間車仔麵個湯底好濃郁，同埋湯底唔會好似出邊啲車仔麵咁樣好多湯，而且佢哋每一款餸菜都用好多時間去調教鹵味味道，令到所有餸菜都好入味亦都好濃郁，我就叫咗冬粉，亦即係粉絲，不過佢哋台灣嘅粉絲就會比較粗身少少，不過好有咬感，好彈牙，至於餸菜方面，我就叫咗豬大腸，白蘿蔔，同鴨血三款，鴨血比較遜色，因為味道比較淡，不過豬大腸同白蘿蔔就好入味，好濃郁，尤其是白蘿蔔又入味，口感柔軟身，而另一碗就叫咗王子麵，樣貌比較似公仔麵咁，口感就比較彈牙一啲，而餸菜就選擇咗腩肉，甜不辣，雞腎，同埋鵪鶉蛋，豬腩肉一啲都唔硬，因為鵪鶉蛋冇晒要煮嘅關係，所以店員就為我地先送上其他餸菜，鵪鶉蛋會稍後另上，而佢哋亦都好有誠意，鵪鶉蛋另上都仲會俾埋滷水汁浸住👍🏻👍🏻👍🏻飲品就叫咗一杯豆漿加珍珠另外一杯就黑糖珍珠奶茶，唔太甜，帶珍珠黑糖味好濃郁，好好味，整體來講呢間台式車仔麵真係好好食，下次都一定會繼續再嚟。