講起要食正宗印度菜，我諗最集中嘅都係佐敦同埋尖沙咀。呢間餐廳位置真係好靚，喺正永安百貨後面，唔使去廟街或者重慶大廈都食到正宗印度菜。餐廳有中文menu，店員識廣東話。餐廳仲有送papadam脆餅！
🔸尼泊爾雞肉餃子$68
呢度得蒸餃，不過我次次都係食蒸，所以冇所謂🤣。一般食到嘅都係壓倒性多蔬菜🤫，呢度嘅餃子餡竟然多肉少菜，冇撈到肥肉但都有啲肉汁。味道主要係蔬菜嘅清甜。食開尼泊爾嘢都知個辣醬辣度高到誇張，所以我完全冇食。不過我老公就唔信邪去試😇😇😇。
🔸素菜咖喱角$28
仲係熱熱地同唔會好乾身，贏咗唔少餐廳。裏面都係傳統薯仔、青豆、洋蔥餡。
🔸瑪沙拉燴羊肉咖喱$110
濃郁幼滑，略帶蕃茄酸味。用嘅係瘦羊肉，但係經過長時間燉煮都會變得鬆化。感覺上無論調味同用料都係好正宗嘅masala mutton。
🔸原味烤餅$22
鬆軟之餘外面有少少脆。我鍾意佢略帶甜味，而且係好純樸好似饅頭嗰種甜。
🔸印度米布丁$45
好香嘅牛奶、果仁、豆蔻，仲有少少玫瑰水嘅味道。甜度比起其他印度甜品低好多，感覺溫和又暖胃。
🔸Plain lassi$35
🔸Mango lassi$38
