Tandoori Junction Fine Indian Cuisine (Electric Road)

去工展會前醫飽肚，好耐冇食過印度薄餅，所以特登嚟試，天后出名多食肆，但星期日11:30嚟到竟然一個客都冇？響門口問咗某啲咖哩係唔辣，所以入咗去，結果。。。。。。

19

有啲鹹同唔知乜料嘅餐湯

🥢午餐C - 無骨燒雞 配 飯 + 道地巨峰提子汁 $90 ⭐️⭐️

1

燒雞原來唔係用鐵板上，真係比佢幅圖呃咗，上到枱唔算熱辣辣，食落燒雞冇乜燒香味，似煎雞多啲，而且肉質有啲乾，好麻麻，反而印度飯粒粒分明熱辣辣好味。


🥢午餐E - 椰汁咖哩羊肉 配 烤餅 + 道地巨峰提子汁98 ⭐️⭐️⭐️

1

呢個咖哩問咗侍應幾次都話唔辣嘅，但我同媽咪食落覺得唔止少少辣咁簡單，蘸薄餅或飯仍然覺得辣，係香辣惹味，但我哋唔太接受到，不過羊就唔錯有啲羶，亦唔會乾，而薄餅就唔夠熱同烤得唔夠香。


後記：食完侍應會拎個QR code叫你掃，然後會搶你個電話叫你撳5星寫食評，我當然唔會撳啦，因為各質素都未如理想，只係回應佢會遲啲處理。


二人共消費：$206