Video
Read full review
2022-10-03
21 views
🚩 娑羅婆納印度素餐廳男朋友同朋友都經過我嘅推薦底下食過印度菜，唯獨係屋企人好似仲未感興趣～今日趁放假梗係拉埋佢哋一齊感染下佢地，比佢哋知道印度菜都可以好好食！〰️〰️〰️〰️〰️〰️〰️〰️〰️〰️〰️〰️〰️〰️〰️🌈茄汁牛油燴芝士球 $78雖然佢話就話係茄汁但其實都有少少咖喱嘅元素，所以點佢哋啲餅都好好食～裏面有超級多芝士球，咬落軟軟糯糯，芝士味唔算十分濃郁，第一次食都幾過癮！🌈咖喱雜菜飯 $68呢個上台嘅時候真係嚇親，我想像中嘅雜菜飯唔係咁樣😣入口咖喱味比較淡，比較似食咖喱味湯飯，我就唔係太鍾意啦！不過每個人口味唔同，可能啱晒啲鍾意食湯飯嘅人🥹🌈Pani Poori $55呢個食印度嘢真係必叫，真心冇大家描述得咁難食，我反而仲幾鍾意添！裏面有啲薯仔蓉洋蔥粒，配埋佢哋類似Tabasco咁嘅酸辣汁，酸酸辣辣超開胃🌈馬沙拉薄餅 $60呢個睇人地食就睇得多，自己真係第一次食！上台超級大條，完全係超出咗碟嘅範圍🤣薄餅表面好脆好香口，入面夾咗啲薯蓉同埋洋蔥～搣開自己想食嘅份量就可以點嘅三種醬汁，我個人最鍾意中間橙色嗰款，有啲似蕃茄咖喱汁，黃色嗰個我諗應該係鷹嘴豆之類嘅，白色嗰個就真係食唔出，可能係乳酪醬？😆🌈Parat
男朋友同朋友都經過我嘅推薦底下食過印度菜，唯獨係屋企人好似仲未感興趣～今日趁放假梗係拉埋佢哋一齊感染下佢地，比佢哋知道印度菜都可以好好食！
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈茄汁牛油燴芝士球 $78
雖然佢話就話係茄汁但其實都有少少咖喱嘅元素，所以點佢哋啲餅都好好食～裏面有超級多芝士球，咬落軟軟糯糯，芝士味唔算十分濃郁，第一次食都幾過癮！
🌈咖喱雜菜飯 $68
呢個上台嘅時候真係嚇親，我想像中嘅雜菜飯唔係咁樣😣入口咖喱味比較淡，比較似食咖喱味湯飯，我就唔係太鍾意啦！不過每個人口味唔同，可能啱晒啲鍾意食湯飯嘅人🥹
🌈Pani Poori $55
呢個食印度嘢真係必叫，真心冇大家描述得咁難食，我反而仲幾鍾意添！裏面有啲薯仔蓉洋蔥粒，配埋佢哋類似Tabasco咁嘅酸辣汁，酸酸辣辣超開胃
🌈馬沙拉薄餅 $60
呢個睇人地食就睇得多，自己真係第一次食！上台超級大條，完全係超出咗碟嘅範圍🤣薄餅表面好脆好香口，入面夾咗啲薯蓉同埋洋蔥～搣開自己想食嘅份量就可以點嘅三種醬汁，我個人最鍾意中間橙色嗰款，有啲似蕃茄咖喱汁，黃色嗰個我諗應該係鷹嘴豆之類嘅，白色嗰個就真係食唔出，可能係乳酪醬？😆
🌈Paratha $20
近排發現依個比一般嘅印度餅更加好食，識落好香奶香味～仲可以逐層逐層咁撕開，好香口！
🌈Mango Lassi $35
呢個飲落有驚喜，就係芒果奶昔，不過超級濃嘅芒果味‼️夏天飲到幾消暑
🌈Lemon Tea $20
以為印度嘅檸檬茶會有唔同，原來其實都差唔多～不過就對比起香港嗰隻比較甜，茶味唔會好突出
Post
