薄餅係必叫, 我見其他枱有叫蒜茸薄餅, 好香, 所以我地都唔執輸, 叫了一份, 但由於我唔鐘意食herb的關係, 問待應可唔可以走herb, 佢話可以, 由呢點可以證明佢係即叫即整唔係整好晒
咖喱就叫左普通的咖喱雞, 雞有好多件, 大約有6-7件, 雞件唔老, 咖喱超好味, 正宗印度咖哩, 我想食左好耐, 唔似香港咖哩表面好多油, 咖哩又香又好味
每餐都一定要食菜, 我地就叫左個蒜茸抄菜芯, 印度的煮法同中國真係好唔同, 佢地係切佢細細條炒, 雖然唔似中國菜炒得咁乾身, 但由於細細條的關係, 框又唔硬, 一啖一口, 別有一番風味.
仲有, 未嚟主菜前佢會送薄脆, 薄脆好重胡椒香味, 但唔辣, 配上薄荷乳酪醬, 好好味.
