正宗印度餐廳及酒吧 (電氣道)

Open Now

Now Closed

馬來西亞係我呢兩年內去得最多嘅地方，但係呢個國家我食得最多嘅反而係印度菜。因為我個人好鍾意印度菜嘅風味，同埋當地人好有人情味，令到我係香港都會搵餐廳食印度菜，過下旅遊癮。呢間店入到黎分外有格調，比起我係馬來西亞食開嘅印度餐廳，佢地係好開揚，好似大排檔咁，呢間就顯得舒適。今次主要點左兩個主菜配兩份薄餅黎食，點完餐後，店員送上一客薄脆配上醬汁，當係前菜比客人過下口癮先。之後就黎左杯芒果奶昔，芒果味濃。我地就嗌左個羊肉咖哩同牛肉咖哩黎食，個咖哩好易入口，好岩香港人食，再配埋熱辣辣嘅薄餅確係無得輸。呢兩種肉都係整得好淋，好易食，而羊肉亦都唔會有"蘇"味，整體都係做得唔錯。而呢間餐廳好岩帶多啲人黎食，因為可以食到更多嘅菜式。