Dilliwale

Open Now

Now Closed

除左重慶大廈，銅鑼灣都有正宗印度菜。一入門口已經感覺到濃濃印度風情，老闆同員工都係印度人，非常熱情。佢地有午巿套餐，所以唔怕唔識叫菜。2個人分別叫左一個洋蔥蕃茄咖哩印度魚配薄餅，同埋一個炸雞塊配炒飯，有一個薯仔咖哩角，飲品就叫左Mango Lassi，係類似乳酪飲料，酸酸甜甜好開胃。咖哩好香，少少辣，好惹味，魚塊質感結實，啖啖肉，同埋魚味濃。薄餅香口，有麵粉香，有4大塊超吸飽肚。香辣炸雞細細件，有好多洋蔥做配菜，酸辣汁好醒神，炸雞外脆內嫩，配上印度米炒飯，辣味夠，粒粒分明，好有特色。喺附近返工享受下異國美食話都無咁易！