The Night Market (又一城) (Closed)

疫情下，好耐都無去過又一城，咁岩同事介紹位於頂樓嘅台式餐廳— The Night Market. 就約好朋友去幫襯，店面都幾大下，剛好入座時未算好多人，可以坐卡位，舒服D同可以坐耐D!碗碟印左乾拌麵嘅圖案，好Q餐牌都有好多野揀，同朋友選擇困難症下，最後點咗前菜：小籠包主菜：三杯雞、鴨紅腸旺、黃金蝦球、魯肉飯飲品：茉香珍珠奶茶小籠包子有四隻，上枱熱辣辣，一咬爆汁，再加埋醋，每人兩隻好開胃上菜都快，一口氣梨咗三杯雞同鴨紅腸旺三杯雞用石燒鍋上，夠熱之餘仲份量充足，雞皮炸得香脆，鷄肉入口嫩滑，醬汁香濃，可以送兩碗飯。鴨紅腸旺，顧名思義即係鴨血加大腸再配大量酸菜，點咗小辣，大腸肥美同時燜得夠冧，鴨紅都大大舊，香滑可以滑落喉嚨，酸菜份量好多，非常醒胃。黃金蝦球非常有驚喜，酥炸嘅黃金蝦以紫蘇葉包上，誠意十分，滿口咸蛋黃香，非常鬆化，但蝦也有足夠水份，無炸過頭，菜式同時配上炸南瓜，岩哂中意香口野既朋友。魯肉飯，好大碗，兩個女仔食Share 剛剛好，附上半隻溏心蛋同青瓜，魯肉夠焾肥瘦剛剛好，肉汁豐富。茉香珍珠奶茶，可挑選甜度，冰入量，非常貼心。