福源川香閣

Open Now

Now Closed

想食正宗川菜，朋友介紹咗間位於灣仔近地鐵站附近的褔源川香閣。師父堅持用四川菜調味料，所以味道同出面有點不同，3人食每人不用$220。 酸菜魚鱸魚不少地方都有，但這裡的小辣辣度不錯之餘又不會好油身，魚肉不少而且都好滑身，沒想到小份會咁多，我哋再加了寬粉和萵荀，入晒湯汁味不錯。 糖醋排骨的醬汁酸度剛好又不會太杰身，排骨炸得好香酥，配菜不少，十分開胃。 四川菜當然要食農家大碗花菜，有點似干鍋感，味道帶點微辣，份量好多仲有蔥和腩肉，令到整個餸味道提升不少。 口水雞份量好多，雞肉嫩滑，底部仲有青瓜絲，醬汁味道偏濃但幾香。 每次吃四川菜，朋友必叫甜品紅糖茲粑，表面口感脆口入面煙韌，甜度剛好，份量勁多，3人食就最岩。 地方幾舒服空間感夠，茶好味帶點特別的香，配上辣十分夾。