餐廳係朋友揀既 朋友本身係上海人 佢話之前黎過食覺得口味夠晒正宗喎！
我地大約七點鐘去到 所以好好彩仲有吉檯！
餐廳既環境唔錯 坐得舒服 好適合傾計
前菜既花生好惹味 我地冒住生飛滋既風險都食都停唔到口
「菜膽獅子頭」$89
呢個菜真係睇得出廚師既功力 獅子頭夾起唔會好易鬆散 但咬落除左充滿肉汁 好香肉味之外 口感仲非常鬆化！
「花雕醉雞」$80
色香味俱全既菜式 色水好靚 有陣陣花雕香味 食落雞肉嫩滑脂肪少
「小籠包」$40
熱愛小籠包既我地叫左兩籠小籠包 每人一籠唔洗爭！
小籠包皮薄多湯汁 一口咬落去成口充滿湯汁 好滿足
甜品menu都幾吸引 可惜我地真係太飽喇 下次一定要試試佢
價錢方面 中環黎講 兩個人加埋$300有找就食到優質上海菜 其實都算幾抵！
