正宗上海生煎皇 (Closed)

難得來到大埔，當然去食好嘢。老婆見到有間小店好多食客光顧，標榜正宗上海風味，從正門更可欣賞師傅製作過程，於是入去試一試。上海生煎包底部煎得香脆，內已經盛滿著肉汁，咬開時要小心一點，避免燙到嘴唇。芝士鮮肉小籠包小籠包皮薄饀靚，除了嚐到豬肉的味道，更有芝士的味道，芝士呈溶化狀態，更易入口之餘，味道突出。四川擔擔麵拉麵彈牙，湯底有花生香味，更有點麻辣味道，食得滋味。凍豆漿香滑得來亦富有豆味，有益健康。