喜來稀肉 (金巴利道)

Open Now

Now Closed

尖沙咀多野食就不嬲都係， 但有時食黎食去都果幾間 都會覺得悶， 而且最近有收到疫情影響都少咗好多人出街食飯， 所以而家食飯都順利左 唔等太耐。 今次黎到喜來稀肉 食韓燒， 平時聽人講就多， 今次就第一次黎， 原來咁地道 連員工都係講韓文， 估唔到咁正宗。一坐底事不宜遲， 都已經諗好想食咩， 點知好快 配菜 已經上到台， 幾款我都好鐘意 岩晒中和返d 燒肉既油脂， 仲有埋芝士蛋 同 泡菜蛋 係邊邊位， 想唔飽都幾難， 剩係咁既配菜 已經可以食飽你， 仲要可以fill， 食到你唔食。有豬油 比你查個爐 防止痴底， 好細心， 我地叫左幾隻肉， 食下唔同款， 隻隻都好食， 我諗大家點都叫都得， 又豬又牛 都無問題 夠新鮮。牛肉油脂 又夠平均， 一燒落去 已經陣陣香味。 流晒口水， 未黎過 唔會感受到。燒左一陣已經會幫我地換個鐵板， 叫都唔洗叫 自動自覺， 剩係服務 已經贏晒。而且裝修又舒服 通風勁好， 跟本d味唔會留係室內。 怕燒烤味既都唔洗驚， 我一定要再黎覆卓， 再食埋其他唔同款既肉。