正九清湯腩 (砵崙樓)

Open Now

Now Closed

餐廳：正九清湯腩地點：旺角砵蘭街菜式：牛腩粉麵餐牌：新鮮牛腩牛骨，各款粉麵飯，飲品，都有下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，仲有少少荕，果然係招牌。下底四大舊白蘿蔔，又淋又香，吸左清湯更好味。個湯帶鹹香。牛肚擔擔麵 $44牛肚一客五件，好厚身。 河粉幼身滑溜，份量適中。花生醬喺底，要自己搞起，湯底味道夠，花生夠香，好滑溜。蔥花放匙羹。少見牛肚河都可以配擔擔河底，有特色。腩汁蘿蔔 $15腩汁蘿蔔 一客9大件，味道清淡。汽水下午茶餐包飲品，汽水唔洗加錢，跟有紙飲管。今餐牛腩真係好正，其他食物都唔差。餐廳裝修光猛，算乾淨，座位舒適。呢間餐廳細細間，平日下午茶時間都坐滿。