熊妹好耐都冇見過舊拍擋啦，今日大家都放假，舊拍擋提議去沙田食午餐🍽，熊妹見成日都食西餐不如試吓其他菜式啦。
《亞蘇爾》係食葡國fusion菜，可以一試喎。
位於沙田新城市廣場，午飯時間都幾多人。
Lunch set 早上11:30開始到下午5點，價錢$82-$172，包餐湯🍵或者沙律🥗，同餐飲咖啡或茶。
跟餐沙律舊拍擋知道熊妹鍾意食沙律，所以揀咗餐前沙律。其實都係啲沙律醋同埋兩粒切半番茄仔🍅，撈埋千島醬汁，細細地一碟，幾fresh。
十月初五蝦子松露意粉，$142舊拍擋話想食意粉，熊妹知道十月初五蝦子🦐松露意粉係好多人推介
，一於試吓啦！
一上菜真係「嘩」左一聲
，好震撼的蝦子鋪滿成碗，唔食得都睇得喇。意粉份量🍝都好多，碗大份量大，仲要係達到熊妹對意粉七分鐘熟度的標準，滿意！
黑松露一啲都唔吝嗇，一大羮放係中央，撈勻意粉黎食，啖啖都好夠熊妹至愛黑松露味。配料仲
有好多好多唔同種類的菇🍄，煙肉粒🥓，同脆卜卜炸蒜，口感好豐富！
成碟意粉又好味又飽肚，舊拍檔話一定要再帶愛吃意粉的囡囡👧🏻再來品嚐。
亞蘇爾小食拼盤（二人用），$162熊妹有聽聞呢款拼盤係必食，所以就放棄叫午餐喇。
芝心馬介休球葡國菜的經典-馬介休球，其實即係炸薯波🥔，《亞蘇爾》精心加入了芝士做饀，芝士🧀本身同薯仔就好夾，成件事就係將平凡變得不平凡，唔錯。
辣肉腸芝士脆多士咦，驚喜喎，有埋又係熊妹至愛的黑松露喎！芝士🧀都幾澎湃，辣肉腸係切左粒，芝士跟辣肉腸味道不嬲都夾，連埋黑松露，成件事係無敵的邪惡。
霹靂魷魚係凍盤黎既，幾條魷魚圈🦑，下面有啲沙律菜疊底，辣辣地，幾爽口，味道ok!
黑醋豬手都係冷盤，有好幾舊豬手仔🍖，食落酸酸地，幾入味，舊拍檔好喜歡呢味小食。
香草烤意瓜原來鋪左係多士下面，意瓜其實即係翠玉瓜🥒，有兩塊大既，煎烤過，幾脆幾新鮮。
仲有兩款醬汁，一款係辣的，一款係沙律醬，不過其實所有小食都好夠味，係點少少沙律菜食就夠喇。
食葡國茶又點少得葡撻呢？其實熊妹入黎時已經留意到呢個撻櫃，有三款口味葡撻，分別係原味，濃香咖啡☕️同鮮橙檸檬🍋，$14一件。
原味葡撻唔係好大一件🥧，好香蛋味，唔係好甜，酥皮好脆，熱辣辣咁食一定好味。
濃香咖啡葡撻咖啡味重，但味道比原味更甜，酥皮一樣的鬆化，熊妹同舊拍檔都一致認為原味無咁甜好味啲。
1
睇佢散叫menu📋有好多其他葡國美食，下次可以晚餐時段再黎一試。
上一回舊拍檔請左熊妹食，今回輪到熊妹請返喇，禮尚往來嘛。
