Video
Read full review
2022-09-17
1082 views
黎到尖沙咀唔係為咗搭天星小輪，而係乘坐「海神珍珠號」！登登登，係煙霧下，海神珍珠號出航喇！閃炩炩嘅外表引來隔離枱目光，船上盛滿咗一個個海鮮shot。船員包括：一打生蠔、松葉蟹鉗伴海葡萄南瓜蓉、吞拿配羽衣甘藍紅菜頭忌廉汁同埋火炙帶子配柚子蝶豆花汁。主打嘅生蠔好鮮甜，鐘意食呢重金屬味較少嘅蠔。蟹鉗有淡淡鮮味。個人最鐘意吞拿配羽衣甘藍紅菜頭忌廉汁。吞拿幼細香滑，入口軟綿綿。羽衣甘藍紅菜頭忌廉汁好有少女心，好靚嘅粉紅色。醬汁增加甜味。火炙帶子配柚子蝶豆花汁， 帶子燒得剛剛好，配微酸嘅柚子好清新。值得一提，柚子被染上牛仔布藍色，原來係加咗蝶豆花，幾有心思。有咁多個海鮮shots，唔爭在嚟多杯Cocktail。同朋友好有默契咁各點White Sangria 同Red Sangria。Cheers! 🥂黎到主菜，點咗到海鮮意大利飯。食落第一口馬上有芝士味，之後帶出蕃茄酸味。意大利米生熟程度符合香港人口味，濕潤感亦剛剛好。有咁多海鮮，叫返一個肉食，點咗香燒紐西蘭羊鞍。五成熟，切落成粉紅色，肉質嫩滑多汁。由於羊鞍已經去咗大部份脂肪，同埋有芥末籽，味道唔會羶，只有肉香。估唔到食海鮮嘅地方肉食都超水準。臨走
海神珍珠號
27 views
0 likes
0 comments
登登登，係煙霧下，海神珍珠號出航喇！閃炩炩嘅外表引來隔離枱目光，船上盛滿咗一個個海鮮shot。船員包括：一打生蠔、松葉蟹鉗伴海葡萄南瓜蓉、吞拿配羽衣甘藍紅菜頭忌廉汁同埋火炙帶子配柚子蝶豆花汁。
主打嘅生蠔好鮮甜，鐘意食呢重金屬味較少嘅蠔。
蟹鉗有淡淡鮮味。
個人最鐘意吞拿配羽衣甘藍紅菜頭忌廉汁。吞拿幼細香滑，入口軟綿綿。羽衣甘藍紅菜頭忌廉汁好有少女心，好靚嘅粉紅色。醬汁增加甜味。
火炙帶子配柚子蝶豆花汁， 帶子燒得剛剛好，配微酸嘅柚子好清新。值得一提，柚子被染上牛仔布藍色，原來係加咗蝶豆花，幾有心思。
有咁多個海鮮shots，唔爭在嚟多杯Cocktail。同朋友好有默契咁各點White Sangria 同Red Sangria。Cheers! 🥂
海鮮意大利飯
15 views
1 likes
0 comments
黎到主菜，點咗到海鮮意大利飯。食落第一口馬上有芝士味，之後帶出蕃茄酸味。意大利米生熟程度符合香港人口味，濕潤感亦剛剛好。
香燒紐西蘭羊鞍
10 views
0 likes
0 comments
有咁多海鮮，叫返一個肉食，點咗香燒紐西蘭羊鞍。
五成熟，切落成粉紅色，肉質嫩滑多汁。由於羊鞍已經去咗大部份脂肪，同埋有芥末籽，味道唔會羶，只有肉香。估唔到食海鮮嘅地方肉食都超水準。
臨走前食柚子芝士蛋糕，中間芝士部份好似cream咁幼滑。柚子味令到芝士冇咁膩。完美嘅航程👏🏻👏🏻
Post
