順流冰室 (Closed)

同屋企人去灣仔整證件，整完之後順便喺附近食下午茶，於是就嚟到順流冰室，餐廳環境都幾光猛，而且乾淨企理。食物款式方面，有多款下午茶餐、車仔麵、飯、小食同飲品等等，幾多選擇。吉列豬扒拼沙律(下午茶餐$42)吉列豬扒炸得香脆，豬扒厚薄適中，肉質夠腍。而沙律係經典嘅雜果沙律，酸甜開胃👅炸雞翼配薯條(下午茶餐$38)雞翼一共有四隻，外皮微脆，肉質幾滑唔乾，有少少黑椒調味。薯條幾香薯仔味，如果再炸得脆少少就更加好👐🏻花生西多士(下午茶餐$36)西多士厚薄適中，係用半煎炸既形式整成，食落冇咁油膩，有蛋香~沙嗲牛肉公仔麵(常餐$48)牛肉份量都唔少，沙嗲醬味道偏甜少少，都幾濃郁，牛肉厚身，咬落有嚼勁👅常餐更配有多士同火腿奄列，質素都唔錯情話綿綿紅豆冰(跟餐加$10)紅豆粒粒分明，夠腍唔會好甜，另外更有棉花糖同cream係面頭，飲落Creamy~熱奶茶夠熱，幾香滑（跟餐)