炎熱的夏天，仲有朋友未到齊，飲奶昔消暑就最好，絕大部份人都喜歡品嚐雪糕，我也不例外，就叫返杯雲尼拿奶昔加雪糕，仲有塊消化餅，有透心涼的感覺，香香甜甜，開胃又美味！ 間中飲一杯邪惡的奶昔，都唔算太過呀！
招牌沙律中有新鮮大蝦，用烤的方法煮，所以特別香口，配新鮮的沙律雜菜，很清新、清甜、爽脆，而且醒胃的沙律賣相極佳，沙律汁味道也很好食！！
我們叫咗個法式白酒煮青口，連鍋一起上，深藍色外殼，肉質比一般青口更鮮嫩甜無比，用以白酒去煮，鮮甜中帶點酒香，配搭一絕。正！正！正！
三文魚是我最喜愛食的魚，逢有必叫，而且對身體又有益，相信無咩人會不喜歡它！三文魚終於登場啦！啖啖肉厚厚的三文魚扒，魚皮煎香，入口香脆，配咪鮮茄子和青露荀，這固然好好吃啦。
這道炒飯以香蒜來炒，增添香味四溢，看其大蝦的色澤，未吃已感到佢新鮮彈牙，又沒有腥味，果然沒錯，黃色的紅花飯粒，粒粒分明，兩者結合便將鮮味完全帶出，很滋味呀！
本人一向怕食朱古力的甜品，皆因怕佢太甜，但今次朋友鍾意，就叫咗個軟心朱古力蛋糕一齊分享，但無論在用料和味道，跟其他朱古力蛋糕其實差不多，幸好不是太甜，可接受！
