Video
Read full review
2018-02-12
331 views
餐廳係一間充滿歐陸風情嘅小木屋，喺太子花園街呢條舊區中嘅老街顯得份外突出。室內裝潢如出一轍，木枱木櫈加上暖色吊燈，配上柔和輕音樂，俾到食客一種溫暖感覺。兩人叫左一個Set Dinner同一個主食。Set Dinner $358 包括頭盤、湯、主菜，奉送是日甜品。【香煎法國鵝肝伴蜜糖香桃沙律】未上菜前以為前菜只係細細件薄薄地嘅鵝肝，我錯鳥。鵝肝有大半隻掌心嘅尺寸，而且夠厚，底下仲有層鬆脆多士。鵝肝皮煎得香脆，內裡口感軟滑，帶少少羶味，最正係爆油嗰種感覺。跟餐除咗麵包仲有兩條麵包條，最特別係有軟滑芝士醬，唔係次次牛油咁悶～【意大利鮮牛肝菌泡沫忌廉湯】唔見有泡沫，不過忌廉湯軟滑creamy。濃濃嘅菇菌味，上面再加咗香蔥提味，相當唔錯。【炭燒西班牙極黑豚架佐無花果肉汁】極高質嘅豬鞍，無需要燒到全熟，就係為咗食佢嘅Juicy同質感。豚肉輕輕兩下就可以切開，見到肉質粉嫩再帶點肥美，油脂加肉汁混合，非常美味。炭燒味道就唔夠出，不過豚架上面鋪滿香蔥同香草，倍添美味。是日甜品係【芝士蛋糕】，我覺得好好食。【炭燒頂級西冷牛扒配彭馬芝士鮮忌廉寬條麵$168】牛扒大約五成熟，肉味豐富，最出色係牛扒下面擺咗條百
室內裝潢如出一轍，木枱木櫈加上暖色吊燈，配上柔和輕音樂，俾到食客一種溫暖感覺。
兩人叫左一個Set Dinner同一個主食。
Set Dinner $358 包括頭盤、湯、主菜，奉送是日甜品。
【香煎法國鵝肝伴蜜糖香桃沙律】未上菜前以為前菜只係細細件薄薄地嘅鵝肝，我錯鳥。鵝肝有大半隻掌心嘅尺寸，而且夠厚，底下仲有層鬆脆多士。鵝肝皮煎得香脆，內裡口感軟滑，帶少少羶味，最正係爆油嗰種感覺。
跟餐除咗麵包仲有兩條麵包條，最特別係有軟滑芝士醬，唔係次次牛油咁悶～
【意大利鮮牛肝菌泡沫忌廉湯】唔見有泡沫，不過忌廉湯軟滑creamy。濃濃嘅菇菌味，上面再加咗香蔥提味，相當唔錯。
【炭燒西班牙極黑豚架佐無花果肉汁】極高質嘅豬鞍，無需要燒到全熟，就係為咗食佢嘅Juicy同質感。豚肉輕輕兩下就可以切開，見到肉質粉嫩再帶點肥美，油脂加肉汁混合，非常美味。炭燒味道就唔夠出，不過豚架上面鋪滿香蔥同香草，倍添美味。
是日甜品係【芝士蛋糕】，我覺得好好食。
【炭燒頂級西冷牛扒配彭馬芝士鮮忌廉寬條麵$168】牛扒大約五成熟，肉味豐富，最出色係牛扒下面擺咗條百里香，令到肉味帶點芳香。寬條麵芝士味香濃，口感好creamy，絕對唔係配角。
寒冬中安坐溫馨小木屋，伴隨輕柔音樂，享受美味佳餚，感受到濃濃暖意同輕鬆愜意。呢一餐，非常滿足!
Post
