泰COOL (翩匯坊) (Closed)

將軍澳泰cool 有海景靚view，平日嘅lunch set 仲幾抵食，大約$50-$60就有主食+飲品，仲可以加多幾蚊至十幾蚊追加小食。.嗰日唔想食飯，所以試下呢個巨型麵包釀咖喱牛腩，法式麵包大大隻外脆內軟，裏面裝住惹味的咖哩汁，薯仔同牛腩都好入味，咖哩唔辣帶微甜，把鬆軟的麵包蘸着裏面的湯汁，好味到成個麵包都食晒。椰香青檸海鮮湯粉絲，湯底唔辣，有好重椰香味，落青檸汁令湯底冇咁膩更加fresh，海鮮份量都ok，有魷魚、蝦仁、青口等等。餐飲凍泰式奶茶，我覺得有手標奶茶嘅質素。