牛站(駅)麻辣火鍋放題

Open Now

Now Closed

最近天氣凍咗好多，所以即刻要圍爐取暖一下，打邊爐係我同朋友最鍾意嘅冬天活動之一。呢一日我哋嚟到位於尖沙咀嘅牛駅麻辣火鍋放題，交通都好方便，無論搭地鐵定係巴士都可以好快去到。打邊爐最緊要就係個湯底，呢度嘅湯底都有好多唔同嘅選擇，見到最多人推介嘅就係清甜椰子雞同埋香濃蕃茄豬骨，所以我哋就叫咗嚟試吓！店內都有好多唔同嘅食物可以選擇，有熟食、冷盤、火鍋配料、甜品、飲品應有盡有⋯⋯除咗以上嘅食物，客人仲可以透過scan QR code落單叫一啲新鮮嘅食材，例如牛肉、豬肉、海鮮等等，呢度嘅牛肉都唔錯，油脂分布尚算平均👍🏻👍🏻特別一提就係餐廳都好貼心，準備咗一啲圍裙比有需要嘅人自己拎，有種溫暖的感覺🥰🥰