Video
Read full review
2019-10-04
55 views
我一向都係燒烤堂嘅粉絲，皆因食物質素出色，每款食物都有唔同嘅調味同製法，可謂誠意十足。餐牌上食物嘅款式非常豐富，有啲仲係自家獨有既小食。而家做緊周年優惠，啤酒仲有買一送一添。食物係即叫即製，所以製作需時，但慢工出細貨，一擺落口就知道等待係值得嘅。係串燒店都可以食到鵝肝，真係幾新奇。焦糖青蘋果鵝肝多士承惠$78，呢個質素同份量價錢絕對唔貴。鵝肝肥美，油脂豐腴，咬落去多汁，慢慢融化係口腔中，令人回味無窮。鵝肝配搭咗焦糖同青蘋果，有效減低膩感，味道層次亦都更豐富。而多士脆卜卜，入面仲有一粒粒嘅芝士，加埋鵝肝嘅肉汁，不得了。另外一樣必食嘅產品就係泰式鹽焗馬友，魚肉香滑，口感鮮嫩又有淡淡鹽香，食落去啖啖肉。泰式辣汁令到味道更上一層樓，出色！我平時係唔鍾意食淮山，但係燒烤堂既淮山都係我最愛。外層係香甜嘅蜜糖，加埋爽口既淮山，味道一流。粟米燒得啱啱好。由於我太重口味，如果蜜糖同牛油再加重手啲就完美。西班牙黑毛豬外層微焦，連脂肪位都好香口惹味。而芥末汁雞肉串平時都比較少見，加埋芥末食落冇咁膩，唔錯。泰國秋葵食落去充滿咸香，爽口之餘又唔會燒得太乾身。蜜糖雞翼外脆內軟，雞肉香滑。海苔黑豚肉鵪鶉蛋，非常特別
食物係即叫即製，所以製作需時，但慢工出細貨，一擺落口就知道等待係值得嘅。
係串燒店都可以食到鵝肝，真係幾新奇。焦糖青蘋果鵝肝多士承惠$78，呢個質素同份量價錢絕對唔貴。鵝肝肥美，油脂豐腴，咬落去多汁，慢慢融化係口腔中，令人回味無窮。鵝肝配搭咗焦糖同青蘋果，有效減低膩感，味道層次亦都更豐富。而多士脆卜卜，入面仲有一粒粒嘅芝士，加埋鵝肝嘅肉汁，不得了。
另外一樣必食嘅產品就係泰式鹽焗馬友，魚肉香滑，口感鮮嫩又有淡淡鹽香，食落去啖啖肉。泰式辣汁令到味道更上一層樓，出色！
我平時係唔鍾意食淮山，但係燒烤堂既淮山都係我最愛。外層係香甜嘅蜜糖，加埋爽口既淮山，味道一流。
粟米燒得啱啱好。由於我太重口味，如果蜜糖同牛油再加重手啲就完美。
西班牙黑毛豬外層微焦，連脂肪位都好香口惹味。而芥末汁雞肉串平時都比較少見，加埋芥末食落冇咁膩，唔錯。
泰國秋葵食落去充滿咸香，爽口之餘又唔會燒得太乾身。
蜜糖雞翼外脆內軟，雞肉香滑。
海苔黑豚肉鵪鶉蛋，非常特別嘅串燒，鵪鶉蛋好好食。
呢度嘅食物真係相當出色，值得推薦。
Post
