豚豚食堂

Open Now

Now Closed

北角匯開咗之後，開餐多咗好多新選擇。今晚同囡囡2個人冇煮飯，去咗食豚豚食堂。因為囡囡好鍾意食日本菜，佢食得好開心。餐廳都幾受歡迎，晚市六點開始，未夠鐘已經有好多人喺門口等，好快就滿曬座，要等位㖭，好彩我哋早咗食飯。餐廳餐牌好豐富，有好多唔同嘅和食，就連洋食即係意粉都有，好多選擇。我哋叫咗一個豚肉壽喜燒鍋物，升級做烏冬，仲叫咗蟹籽沙律，串燒雞肉丸，炸豆腐同埋流心蛋豬肉餅，好豐富，當然仲有囡囡最愛嘅波子汽水。好鍾意個鍋物，入面好多蔬菜，豚肉有4、5片，最正都係啲烏冬，夠曬彈牙，食到唔停。