韓日燒 (Closed)

西九龍中心真係我嘅童年回憶，以前細細個喺石硤尾附近住，一放學就會同屋企人嚟到西九龍中心行街食嘢 。估唔到呢一個商場越開越多嘢食，同朋友行完街， 就梗係要醫下肚啦，諗唔到食咩，食韓式燒烤咁多選擇，就最好不過啦，自己可以夾自己鍾意嘅嘢食。仲有專人鐵板燒，喺韓燒之前都可以醫下肚餓。食物選擇都幾多，淨係蔬菜都已經擺滿一個櫃。仲有好多款嘅丸類、肉類、腸呀等等。當然唔少得就係肉類啦，有一般嘅牛肉、雞翼、豬扒、墨魚、多春魚、鯖魚同埋雞腎等等。拎到一碟都係，不過真係食得曬先好拎咁多呀， 食唔曬淨太多嘅話，要收返錢㗎，所以大家唔好做大嘥鬼呀。仲有刺身拼盤都幾豐富㗎，有甜蝦、生蝦、八爪魚等等。入主題啦，梗係要燒下啲肉啦，好貼心嘅係燒爐入面放著一張牛油紙， 咁樣就唔怕黐底啦。真係好多嘢食，拎到成枱都係。最開心嘅就當然係食迴轉壽司啦， 而家啲迴轉壽司店真係買少見少， 而且放題同韓燒好少有得食迴轉壽司，而家真係滿足我n個願望啊。仲有唔少嘅冷盤、韓式泡菜可以選擇，例如：青瓜、泡菜、芽菜、木耳、海帶等等。仲有甜品同火鍋，所以真係食得好飽。最後當然係唔少得雪糕喇， 不過雪糕真係手快有手慢冇， 本身應該有芒果、雲呢拿同