大瀛喜日本料理 (Closed)

前排朋友生日去左大瀛喜食放題慶祝，好耐無幫襯過，睇下食物質素有無變先！無去甘耐，人流一樣爆滿，相信質素亦有保證喇。刺身類：依度既刺身款式好多，而且每款亦好新鮮，完全無腥臭味。三文魚厚度足夠，食落特別有口感，帶有少許魚油味。赤蝦、甜蝦同樣鮮甜。螺肉口感吾會硬，食落幾有口感。燒蝦：燒蝦大小適中，口感彈牙又實肉，味道帶鮮。燒帆立貝：上面有大量蒜蓉調味，食落夠晒味道，帶子帶甜味，不錯。蟹粥：粥味道幾綿，吾會太水太稀。當中既粥帶有蟹甜味，仲有少少粟米肉粒食。雖然蟹肉吾多，但整體味道搭夠。酸菜魚：估吾到放題會有酸菜魚食，魚片幾滑，酸菜味道可以再酸就更加好食！甜品類：依度既甜品好多選擇，仲有葡撻添！葡撻味道幾甜，有蛋香味。另外仲有奶凍、芒果布甸，非常適合小朋友食。除左甜品，餐廳仲提供左雪糕，雪糕夠凍，雲呢拿夠味，可以加入其他配料。