燒烤堂

Open Now

Now Closed

之前同朋友好想食串燒，又想坐得舒服可以好好咁吹下水，所以揀左去荃灣既燒烤堂，佢環境都幾舒服！首先係雞類方面，鹽燒鮮三黃雞腿肉同赤雞頸肉香氣十足，肉質嫩滑；麻辣燒赤雞心辣味恰到好處，鹽燒原塊雞皮香脆可口。雞腎味道突出，爽口又惹味，食完停唔到口。🐔🔥牛肉方面，鹽燒和牛牛小排肉汁濃郁；中切牛舌芯軟嫩有咬口，燒完好香，係燒烤必點嘅選擇！🥩✨另外，焦糖青蘋果鵝肝多士帶有清新甜味，同鵝肝香滑質感配合得非常之好；焦糖鰻魚芝士玉子燒更係香甜同鹹香嘅完美融合。🍎🍞🐟檸蜜牛油包同香草蒜蓉包都係外脆內軟，鰻魚炒飯鮮味十足，食完好滿足。最後一定要試黃金芝士年糕，軟糯同芝士香味爆滿。🍚🧀飲品推介即榨士多啤梨乳酸同菠蘿乳酸，清爽解膩。🍓🍍整體嚟講，燒烤堂環境舒服，野食不錯，絕對係聚會吹水之選！👍😊