山野日本料理 (Closed)

突然挑起條根好想去食日本野，咁啱九龍城廣場開咗間新新地嘅放題，好似有幾多選擇，就走咗去試吓啦。一入門口就見到佢哋嘅甜品櫃同埋飲品櫃，款式都相當多，入面好大，坐得好寬躺，睇睇嘢食都有40幾50種左右。叫咗嘢食之後，估唔到竟然係熱食黎先，燒羊架都幾大件，燒得好香，有少少酥味。燒鯖魚一啲腥味都冇，即燒即上。刺身方面有好多選擇，淨係蝦都有三款，材料都幾新鮮，普遍嘅三文魚油甘魚帶子都有。有各式各樣嘅壽司，淨係火炙都有八款，我自己就比較鍾意食三文魚同埋左口魚，油香四溢。創作壽司都有六款揀，而且仲有海膽呢啲高檔食材。今晚最滿意嘅一道就係牛肉鍋，好有壽喜燒嘅風味，而且夠晒熱，現場冷氣都幾大，呢個可以暖胃。整體而言都幾多嘢食幾滿意，埋單＄530左右兩個人，但因為現場都幾多下，食物可能要等耐啲。